Google ADS

Shumë maturantë s’e dinë sa pikë kanë marrë në test

21:55 | 26 Qershor 2018
Arbresh.info

Elmira Raçi, nxënëse e gjimnazit “Ahmet Gashi”, nuk e di saktë se sa pikë i ka fituar, pavarësisht se janë publikuar rezultatet e testit të maturës. Fillimisht ajo pa në listë se mori 141 pikë, por një ditë pas iu anuluan më shumë se dhjetë pikë.
Sikurse Elmirës, pikë të testit të maturës shtetërore iu anuluan edhe të gjithë maturantëve në këtë gjimnaz.

Ata kanë shprehur shqetësim për parregullsi dhe manipulime të rezultateve. Drejtori i Arsimit në Komunën e Prishtinës ka treguar se parregullsi ka pasur edhe në shkollën e Mjekësisë “Ali Sokoli”, raporton KTV.

Ai thotë se kanë pranuar shumë ankesa nga nxënësit, të cilat i kanë drejtuar në Ministrinë e Arsimit.

Ministria e Arsimit në anën tjetër ka thënë se bëhet fjalë për probleme teknike. Përmes një përgjigjeje me shkrim, kryetari i Komisionit Shtetëror të Maturës, Fehmi Hysenaj, ka thënë se rezultatet e para janë bartur për nga një vend në listë dhe askush nuk i ka pasur rezultatet e veta.

Shpërndaje në rrjete sociale

Lajmet më të lexuara

Të ngjashme

Foto lajm